Pavel Švanda ze Semčic eta Eliška Pešková senar-emazteen hilobia
Pragako Platnéřská kaleko tabernari baten familiatik zetorren. Aita alemaniarra zuen, Wrocławen jaio eta Pragara joan zena, eta ama, berriz, txekiarra[1]. Matylda Pešková irakasle eta itzultzailearen ahizpa zen. Hamalau urterekin antzerki klaseak hartzen hasi zen Nina Herbstová aktorearekin[1] eta geroago San Nikolas antzokiko taldeko kide bilakatu zen, oraindik Elisabeth Peschke bezala. 1849an lehen aldiz Pragan antzeztu zuen alemanez, arrakasta handia lortuz. Gero Teplicen aritu zen, baina urte berean Josef Kajetán Tylek Pragara gonbidatu zuen eta txekieraz irakatsi zion antzerki-hizkera. 1849an, bere lehen txekierazko paperean agertu zen eszenatokian, jada Eliška Pešková izena erabiliz[1].
1850ean, Pavel Švanda ze Semčic antzerki-aktore ezagunarekin ezkondu eta bere antzerki konpainian antzezten hasi zen. 1870ean emanaldi bat galdtzeagatik Josef Jiří Kolár zuzendari nagusiarekin desadostasuna izan zuen eta antzokitik kanporatu zuten[1]. Harrezkero Švanda antzokian jardun zuen. Hogei bat antzezlan ere idatzi zituen, gehienbat beste idazlanen dramatizazioak. Gainera, 600 bat antzezlan itzuli omen zituen frantsesetik eta alemanetik[2][3].
