PROFILPELAJAR.COM

Coriako katedrala
	Kultura ondasuna
	Irudi gehiago
Kokapena
Estatu burujabe	Espainia
Autonomia	Extremadura
Probintzia	Cáceresko probintzia
Udalerria	Coria
Koordenatuak	39°58′55″N 6°32′14″W / 39.982°N 6.5371°W
Historia eta erabilera
Irekiera	1498
Erlijioa	Erromatar Eliza Katolikoa
Elizbarrutia	Roman Catholic Diocese of Coria-Cáceres (en) ; Diocese of Coria (en)
Izena	Maria
Arkitektura
Estiloa	Spanish Gothic architecture (en)
Ondarea
BIC	RI-51-0000483

Coriako katedrala, Andre Mariaren Jasokundearen adbokazioarekin izendatua, Extremadurako autonomia erkidegoko Coria-Cáceres elizbarrutiaren katedrala da Cacereseko konkatedralarekin batera. 1931n, eliza eraikina kultur ondasun gisa sailkatu zen (Bien de Interés Cultural). Katedralak erlikia garrantzitsu bat gordetzen du, Jesusen Azken Afariko mahai-zapia ustez, Mahai-zapi Sakratua, zeinak eraikinaren diseinuan ere badu zerikusirik.

Historia

Coriako hegoaldeko kanpoaldean kokatua, katedrala hiriko muinoaren punturik altuenean dago, inguruko paisaiaren edo Alagón ibaiaren gainetik 80 m ingurura. Toki horretan, katedralaren aurretik, bisigodoen eliza bat, meskita islamiar bat eta eliza erromaniko bat egon ziren. Katedralarem eraikuntza 1498an hasi eta 250 urte inguru geroago amaitu zena^[1].

Coriako elizbarrutia 6. mendekoa da. 8. mendearen hasieran musulmanen konkistaren ostean urrutiko gotzain izendepenak izan zituen, nahiz eta ez zuten ez elizarik edo kokapenik Corian. Hiriaren azken errekonkista ez zen 1200. urte ingurura arte gertatu.

Kanpoaldea

Kanpotik apaindurarik gabeko gotiko berantiarra edo pizkundeko estilo arkitektonikoak ditu Katedralak. Berriagoak dira estiloam XVIII. mendean berritutako kanpandorrea, kupula eta lanterna .

Eraikinak kalte handiak izan zituen 1755eko Lisboako lurrikaran.

Bi sarrera ditu katedralak. Ekialdera Barkamenaren Atea (Puerta del Perdón) delakoa dago, okasio berezietan bakarrik irekitzen dena^[2]. Iparraldera begira, sarrera nagusia dago, Ebanjelioaren Atea, apaindura nagusiki platereskoekin, itxura berezikoa eskuinetara itsatsita beste eraikin zati bat dagoelako, hau ere platereskoa dekorazioan: Erlikien Balkoia duen eraikina da hori, eta bere presentzia hor justifikatzen du barruko erlikiak, Mahai-zapi Sakratuak, zeinagatik eraiki zen: balkoi horretatik erakutsi izan zen mahai-zapia bere luzean urtero, maiatzaren 3an, harik eta fededunen jauzi eta harrapaketa saioek mahai-zapia arriskuan jartzen zutela ikusi zen^[3].

Barrualdea

Barrualdeak nabe bakarra du, eta ia 20 m-ko altuera du, izar-ganga duelarik sabaian. Habeartearen gehiena kalonjeentzako koroak hartzen du.

Barroko berantiarreko estiloan egindako aldareko erretaula nagusia nabarmentzekoa da, urrezko hostoz estalita dago; irudiak koloreztatuta daude. Burdinazko pulpitu bat eta burdin-hesi bikainak ditu elizak.

Klaustroaren inguruan erretaula eta irudi gehiago daude, eta baita Erlikien Kaperan, nagusiki barrokoak.Katedralaren museoa ere osatzen dute korridore eta gela batzuek, non erlikiak (mahai-zapi ospetsua barne) eta eliza-objektu baliotsuak erakusten diren.