Conchita Portu Etxeberria

Conchita Portu Etxeberria
Bizitza
JaiotzaHondarribia, 1943
Herrialdea Gipuzkoa, Euskal Herria
HeriotzaHondarribia, 2019 (75/76 urte)
Jarduerak
Jarduerakirakaslea, historialaria eta zinegotzia

Conchita Portu Etxeberria (Hondarribia, Gipuzkoa, 1943 – 2019) irakaslea, historialaria eta zinegotzia izan zen. Hondarribia Hiriaren urrezko domina jaso zuen.[1]

Ibilbidea

Irakasle

Txikitatik Eskola Publikoko irakasle izan nahi izan zuen eta lortu ere egin zuen, horretan jardun baitzuen. Ilusioz egin zuen beti bere lana, Hondarribiko haurrei irakurtzen eta hiria maitatzen irakatsi zien, Itsas Armadako eskolan 20 urtez eta ondoren beste zenbait eskolatan.[1]

Garai hartan, gainera, amekin baino ez zuen tratatzen, eta ez zen beti harremana erraza izaten, ikastea ez baitzen hain garrantzitsua haientzat. Hala ere, irakasle izateagatik zoriontsu eta zorioneko sentitu zela esaten zuen beti.[1]

Harro eta pozik sentitu zen bere lanbideaz. Honelaxe adierazten zuen: "Sarritan gogoratzen ditut Itsas Armadako eskolan igarotako urteak. Askotan entzuten nituen saregileak edo Bentaren aurrean kartetan aritzen ziren emakumeak eskola barrutik hitz egiten ". "Behin entzun nuen esaten zutela: Andereño Conchitaren ilobek ikasten badute, ez da hain txarra izango... gure alabak ere eskolara bidaliko ditugu."[1]

Artxibo sortzaile

Conchita beste arlo batzuetan ere murgildu zen. Txikitatik ikasi zuen hiria ezagutzen eta maitatzen bere aita Florentino Porturi esker, eta berarekin batera Hondarribiko Artxiboaren sortzailea eta egilea izan zen. Urtez urte, biak, aita-alabak, udaletxeko ganbaran biltzen ziren. Dokumentu guztiak zuzendu eta artxibatu zituzten.[2]

1990ean Zuloaga Etxearen artxibo historikoa jendearentzat irekitzea lortu zuen. Aita-alaben ametsa beteta ikusi zuen. Hondarribiaren historia herritar guztien eskura jarri zuten betiko. Lan honi esker, gaur egun hondarribiarrek herriaren historia ezagutzeko eta gozatzeko aukera dute.

Zinegotzi

1983 eta 1991 artean Hondarribiko Kultura, Hezkuntza eta Kirol zinegotzia izan zen.[2]

Sariak

  • 2000. urtean Udalak Hondarribia Hiriaren Urrezko Domina eman zion Conchitari egindako lana eskertzeko.[3][4]

Heriotza

87 urte zituela hil zen.[3]

Erreferentziak

  1. ↑ a b c d Aintzina eta gaur. Emakume talde liburua. .
  2. ↑ a b I.A. (2019-10-20). «Fallecimiento de Conchita Portu» El Diario Vasco (Noiz kontsultatua: 2024-09-06).
  3. ↑ a b (Gaztelaniaz) «Pésame por el fallecimiento de Conchita Portu» Hondarribia (Noiz kontsultatua: 2024-09-06).
  4. ↑ «Insignia de Oro de la Ciudad» Hondarribia (Noiz kontsultatua: 2024-09-11).

Kanpo estekak