1986an sortu zen[2] eta 1988an uretaratu zuen Balea traineru beltza[3]. Bitxikeria bezala aipatu 1989an Oriorekin trainerua trukatu eta oriotarrek Kontxako Banderan erabili zutela. Urte honetakoa du bere lehenengo garaipena ere, O Groveko bandera.
Batel eta trainerillatan hainbat Espainiako txapelketa irabazi ditu, emakumezkoen kategoriatan batez ere. Galiziako Ligaren sortzaileetariko bat izan zen eta bertan aritu zen 2010 arte. 2011ean hainbat arazo medio ez zuen trainerurik atera eta 2012an Club de Mar Bueurekin bat eginda Sociedad Deportiva de Remo Morrazo izenarekin itzuli zen Galiziako B Ligara eta elastiko horiaren ordez zuria zeramala[4]. 2014an berriz bakarrean hasi zen bere elastiko hori tradizionalarekin.
Ordutik B Ligan aritu da, emaitza oso apalekin. 2022an izan zuen trainerua azken aldiz uretan.
