Boliden AB korporazio multinazional bat da, egoitza nagusia Stockholm hirian duena. Bere negozio nagusiak kobre, zink, berun, urre eta zilar ateratzen, tratatzen eta ustiapenaren ingurukoak dira. 1980 eta 1990eko hamarkadetan hainbat erosketa egin ondoren, konpainiak 2003an Outokumpu finlandiar konpainiaren meatzaritzako fundizioak eta aktiboak erosi zituen. Outokumpuk Boliden Contech subsidiarioa eta Bolidenen kobre eta zink sailak erosi zituen. Akordioaren ondorioz, Outokumpu Bolidenen akzioen %49 kontrolatuz amaitu zen.
Konpainiak 4.500 langile inguru ditu. Izena Boliden meategitik dator, Suediako Skellefteå herritik 30 kilometro ipar-mendebaldera dagoen meategitik, non 1924an urrea aurkitu zen. Bere garaian, Europako urre meategirik aberatsena eta handiena izan zen, baina, 1967an meategia itxi egin zuten.
Kanpo estekak
