Boeing B-52 Stratofortress
land-based strategic jet bomber (en) eta aircraft with 8 jet engines (en)
Irudi gehiago
Fabrikazioa
Fabrikatzailea	Boeing
Garatzailea	Boeing
Ekoizpen osoa	744
Jatorrizko herrialdea	Ameriketako Estatu Batuak
Historia
Lehen hegaldia	1952ko apirilaren 15a
Zerbitzuaren hasiera	1955
Kudeatzailea	Ameriketako Estatu Batuetako Aire Armada eta NASA
Ezaugarriak
Dimentsioak	12,4 () × 48,03 () m
Propulsatzailea	JT3D (en) (8)
Armamentua	unguided bomb (en) AGM-28 Hound Dog (en) AGM-129 ACM (en) AGM-69 SRAM (en) AGM-86 ALCM (en) Harpoon (en)

Boeing B-52 Stratofortress erreakzio-hegazkin bonbaketari subsoniko estrategiko bat da, irismen luzekoa, AEBetako Boeing konpainiak diseinatua eta fabrikatua. AEBko aire-armadak erabiltzen du 1955etik. 32.000 kg-ko karga (bonbak) eraman dezake.

Arma atomikoak eramateko diseinatu zen Gerra Hotzaren garaian, baina ez da inoiz erabili gerran bonba atomikoak jaurtitzeko. Bestela, bai: 1956ko maiatzaren 21ean, B-52B hegazkin batek hidrogeno-bonba bat jaurti zuen Bikini atoloiaren gainean.

Bonbaketari astuna da, irismen luzekoa, misio-mota askotan erabil daitekeena. Gezi-formako hegoak ditu, 35º-ko angeluan, eta 8 erreakzio-motor ditu binaka ezarriak lau euskarritan. Lurreratzeko trenak 8 gurpil ditu, eta bi gurpil gehigarri hegoen azpian. Lurreratze-trena 20º-raino bira daiteke hegazkinaren lerro zentralarekiko, segurtasuna handitzeko zeharkako haizearekin egindako lurreratzeetan. 15 km-rainoko altueran egin dezake hegan, eta 14.000 km-ko autonomia du.

Sortu zenetik, aldaera eta hobekuntza ugari izan ditu. Vietnamgo gerran garrantzi handia izan B52 hegazkinak (B52F eta B52D modeloak). 1965tik aurrera milioika bonba-tona jaurti zituzten Vietnamen B52 hegazkinek.