Oraindik ez da bere bizitzari buruzko aipamenik aurkitu. Bere izena, 1677an lehen aldiz agertu zena, San Martino del Leano komentu beneditarreko dokumentuetan, Pavian. 16 urte zituen, eta garai hartako ohituraren arabera, gazteak komentuetan sartzen ziren. Beneditarren moja izan zen San Martino del Leano komentuan, Pavian.[1]
Musikagile ibilbidea
Hogeita hamar urte inguru zituenean, aurreko datuen arabera (1691), Bolonia Pier Maria Montiren editoreak bere konposizio ezagun bakarrak argitaratu zituen: "Mottetti 1, 2, 3 eta 4 voci". ´Motete¨ delakoa, Frantsesetik datorren "motet" hitzetik dator eta XIII. mendean sortutako konposizio polifonikoa da, elizetan abesteko sortua, eta haren gaiak biblikoak izan ohi dira. Latinez egindako 4 ahotsetarako eta "a capella" (musika-tresnarik gabe) erlijio-gurtzarako abestiak ziren.[2]
Bilduma horrekin, Meda Italiako azken moja-konpositoreetako bat bihurtu zen, XVII. mendean inprimatutako lana ikustean; Isabella Leonardak, Novarako moja urtsulatarrak eta mende hartako konpositore emankorrenak, baino ez zion jarraitu.[3]
Gutxi dakigu Medari buruz, argitalpenaren azaleko xehetasunez gain: izena; izenburua: donna (komentu beneditar batean duen posizioa adierazten du); eta bizi zen monasterioaren izena: San Martino del Leano, Pavian. Informazio osagarri guztia, duela urte asko Emily Wilbourne musikologoak egindako ikerketa baten emaitza da.[3]
Lana
Lan bakarra argitaratu zuen, Bolonian, 1691n. Motete bilduma bat, "Mottetti a 1, 2, 3, e 4 vocis". Obra horietako bi motete, ahots bakarlarirako dira, bi biolin, gehi bi bikote, lau hirukote eta lau laukote lagun dituztela.[4][5][6]
