Berta Zúñiga Cáceres (Puerto Cortés, Honduras, 1990eko irailaren 24a) gizarte-ekintzailea. 2017ko maiatzaz geroztik Hondurasko Herri Erakundeen eta Indigenen Kontseilu Zibikoaren (COPINH) koordinatzaile nagusia da.
Biografia
Berta Cáceres eta Salvador Zúñigaren alaba, COPINHeko militanteak.[1][2] Lenca herriaren eskubideen eta ingurumenaren defentsan aritzen den erakundearen kideak jazarpen handia jasan dute, besteak beste, heriotza mehatxuak, arrisku-egoera etengabea, erasoak espetxeratzeak.[3][2]
Berta Zúñiga, bere anai-arrebak bezala, herri-hezkuntzako eskoletan trebatu zen eta gaztetatik sartu zen politikan.[2] Amarekin eta anai-arrebekin batera, COPINHeko jardueretan parte hartu zuen.[4]
2009ko estatu-kolpetik aurrera, erakundeen aurkako errepresioa areagotu egin zen. Bereziki Agua Zarca proiektu hidroelektrikoaren aurkako borrokagatik Berta Cáceres jazarpena eta mehatxuak jasan zituen eta azkenik, 2016ko martxoaren 2an erail zuten.[5][6][1][7]
Berta Zúñiga bere amaren erailketaren ikerketaren bultzatzaile nagusietako bat izan zen, eta krimenaren ikerketa sakona eskatu zuen, bai estatuan, bai nazioartean. Estatu Batuetan lege-proiektu bati laguntzeko kanpaina bat ere hasi zuen, herrialde horrek Hondurasekiko laguntza militarra eten zezan.[8]
COPINHeko koordinatzaile nagusia
2017. urteko maiatzean, Berta Zúñiga COPINHko koordinatzaile nagusi hautatu zuten, hil aurretik bere amak bete zuen kargu bera.[9][3] Kargu horretatik, gizarte eta ingurumen borrokarekin jarraitu du, batez ere lenca herriaren ekonomia, gizarte, kultura eta ingurumen eskubideak mehatxatzen dituzten megaproiektuen aurka.[10] COPINHren lidergoa onartu eta aste gutxira, haren eta erakunde horretako beste kide batzuen aurka egindako eraso armatu bati aurre egin zion.[10][8]
Erreferentziak
Kanpo estekak
.jpg)
