Barbaro (antzinako grezieraz: βάρβαρος, barbaros) hitza arrotzak izendatzeko erabiltzen zuten greziarrek eta erromatarrek, bai eta gero kristauek ere.[1] Exonimo gutxiesgarria zen eta, hitzez hitz, "zezeltzen duena" edo "gaizki hitz egiten duena" esan nahi zuen. Erromatarrek izena zabaldu zuten Inperioa inbaditzen zuten herriak izendatzeko.
Denboraren poderioz, pertsona basati, gupidagabe eta bihozgabeak deskribatzeko erabili dute hitz hori hizkuntza askotan.
