Balba trikuspide

Balba trikuspide
Xehetasunak
Identifikadoreak
Latinezvalva atrioventricularis dextra
MeSHA07.541.510.893
TAA12.1.02.003
FMA7234
Terminologia anatomikoa

Balba trikuspidea[oh 1] eskuin-aurikularen eta eskuin-bentrikuluaren artean, eskuineko zulo aurikulobentrikularrean alegia, kokatua dagoen balbula da.[1] Gainera, nabarmentzekoa da zenbait gaixotasunen (balbulopatien) kausa dela.

Egitura

Balba trikuspideak hiru balbula izan ohi ditu, aurreko, atzeko eta trenkadako balbula izenekoak.[2] Balbula bakoitza eskuineko bentrikuluaren aurreko, atzeko eta trenkadako muskulu papilarrei lotuta dago, tendoi-soken bidez.

Funtzioa

Balba trikuspideak norabide bakarreko balbula bat bezala funtzionatzen du, odola aurikulatik bentrikulurako noranzkoan bakarrik mugitzea ahalbidetuz. Bentrikulu-sistolean ixten da bentrikuluaren presioa aurikulakoari gainjartzean, eta bentrikulu-diastolean irekitzen da aurikulako presioa bentrikulukoari gainjartzean.

Balba trikuspidearen itxiera egokia ez bada, odol errefluxua gerta daiteke, gutxiegitasun trikuspidea deritzona.[3] Gutxiegitasun trikuspide honek prekarga bentrikularraren handitze bat suposa dezake, bihotz-ziklo batean aurkiulara itzultzen den odola hurrengo diastole bentrikularraren zikloan bentrikulura itzuli behar den odol-bolumenari gehitzen zaiolako. Eskuineko bentrikuluaren aurrekarga luzaroan handituz gero, eskuineko bentrikulua handitu daiteke (dilatazioa),[4] eta eskuineko bihotz-gutxiegitasuna areagotu dezake zuzentzen ez bada.[5]

Nahasmendua

Hasteko, balbula trikuspidearen erregurgitazioa ez da arraroa, hau da, balbaren gutxiegitasunagatik odol errefluxua gertatzea (bentrikulutik aurikularako bidean) ohikoa da.

Infektatutako balbulek endokarditisa eragin dezakete zain barruko drogen kontsumitzaileengan[6][7]. Zain barnetik narkotikoak edo beste droga batzuk injektatzen diren pazienteek infekzio bat sar dezakete, bihotzaren eskuinaldera mugi daitekeena; normalean S. aureus bakterioak sortzen du infekzio hau.[8] Zain barneko esposizio-aurrekaririk ez duten pazienteetan, endokarditisa ohikoagoa da ezkerreko aldean.[8]

Balbula trikuspideoak sukar erreumatikoa pairatu dezake. Honek, estenosi trikuspideoa edo erregurgitazio trikuspideoa eragin dezake.[9] Badira kasuak zeinetan balbula trikuspideoaren anomalia kongenitoekin jaiotzen diren. Balbula trikuspidearen jaiotzetiko desplazamendu apikalari Ebsteinen anomalia deitzen zaio, eta erregurgitazio trikuspideo esanguratsua eragin ohi du.

Kartzinoide sindrome batzuek balbula trikuspideari eragin diezaiokete, eta fibrosia sor dezakete tumore horiek serotonina sortzen dutelako.

Balbula trikuspide endobaskularraren lehen inplantea Cleveland klinikako kirurgialariek egin zuten.[10]

Oharrak

  1. ↑ Termino anatomiko egokia balba da, eta ez balbula. Gaztelaniaz válvula egitura osoari deitzen zaio (akatsa ohitura bilakatu da), baina latinez jatorrizko izena Valva mitralis da (egitura osoa), eta balbulak balba horren atalak.

Erreferentziak

  1. ↑ Euskalterm: [Kardiologia Hiztegia] [2015]
  2. ↑ «Anatomy of the Tricuspid Valve» e-echocardiography.com (Noiz kontsultatua: 2021-12-13).
  3. ↑ (Ingelesez) «Tricuspid Valve Function, Anatomy & Location | Body Maps» Healthline 2015-03-20 (Noiz kontsultatua: 2021-12-13).
  4. ↑ Reynertson, Sandra I.; Kundur, Ramesh; Mullen, G. Martin; Costanzo, Maria Rosa; McKiernan, Thomas L.; Louie, Eric K.. (1999-08-03). «Asymmetry of Right Ventricular Enlargement in Response to Tricuspid Regurgitation» Circulation 100 (5): 465–467.  doi:10.1161/01.CIR.100.5.465. (Noiz kontsultatua: 2021-12-13).
  5. ↑ (Ingelesez) «Enlarged heart - Symptoms and causes» Mayo Clinic (Noiz kontsultatua: 2021-12-13).
  6. ↑ Demin, Alex A.; Drobysheva, Vera. (2018-09-15). «Pulmonary onset and complications of intravenous drug users infective endocarditis» Pulmonary embolism (European Respiratory Society)  doi:10.1183/13993003.congress-2018.pa3131. (Noiz kontsultatua: 2021-12-13).
  7. ↑ (Ingelesez) Butany, Jagdish; Dev, Varun; Leong, Shaun W.; Soor, Gursharan S.; Thangaroopan, Molly; Borger, Michael A.. (2006-11). «Infective Endocarditis of the Tricuspid Valve» Journal of Cardiac Surgery 21 (6): 603–604.  doi:10.1111/j.1540-8191.2006.00313.x. ISSN 0886-0440. (Noiz kontsultatua: 2021-12-15).
  8. ↑ a b Robbins basic pathology. (8th ed. argitaraldia) Saunders/Elsevier 2007 ISBN 1-4160-2973-7. PMC 69672074. (Noiz kontsultatua: 2021-12-15).
  9. ↑ (Ingelesez) «Cardiology Health Information | Mount Sinai - New York» Mount Sinai Health System (Noiz kontsultatua: 2021-12-15).
  10. ↑ «University Circle Inc.» web.archive.org 2008-06-17 (Noiz kontsultatua: 2021-12-15).

Kanpo estekak