Azazkala (edo azkazala[1], ezkazala, eskazala, ezkizala) hatzen bukaera babesten duen estaldura da. Lurreko ornodun gehienek dituzte, batzuek atzapar forman eta beste batzuek —gizakiok, adibidez— azkazal forman. Gizakiok hogei azazkal ditugu: hamar hatzetan, bana, eta hamar behatzetan, beste hainbeste (bakoitzaren muturrean bat, alegia).
Gizakion azazkalak egunero gutxi gorabehera 0,01 zentimetro hazten dira eta, beraz, etengabe eraldatuz eta berriztatuz doaz. Kultura batzuetan margotu egiten dituzte, batez ere emakumeek. Ekialdeko hainbat kulturatan, azkazal luzeak izateak noblezia esan nahi du, eskuekin lan egiten ez dutela erakusten baitu.
Erreferentziak
- ↑ Euskaltzaindiak onartuak ditu azazkal eta azkazal, baina bietatik lehena hobetsita; hatzazal, berriz, ez du onartu euskara baturako (Hiztegi Batua).
Ikus, gainera
Kanpo estekak
