Arna Mer-Khamis

Arna Mer-Khamis

Bizitza
JaiotzaRosh Pinna (en) Itzuli, 1929ko martxoaren 20a
Herrialdea Israel
Heriotza1995eko otsailaren 15a (65 urte)
Heriotza moduaberezko heriotza: minbizia
Jarduerak
Jarduerakgiza eskubideen aldeko ekintzailea eta aktibista
Jasotako sariak
KidetzaGordonia (en) Itzuli
Sinesmenak eta ideologia
Alderdi politikoaMaki
IMDB: nm1690259 Edit the value on Wikidata

Arna Mer-Khamis (hebreeraz: ארנה מר ח'מיס‎; Rosh Pinna, 1929ko martxoaren 20a – 1995eko otsailaren 15a[1]) israeldar ekintzaile politikoa eta giza eskubideen defendatzailea izan zen.

Bizitza

Arna Mer-Khamis 1929an jaio zen Rosh Pinna herrian, Palestinako Britainiar Mandatuan[1]. Haren aita Gideon Mer zen, Lituanian jaiotako zientzialaria, malaria aztertu zuena[2]. Arnak Tiberiaden ikasi zuen, eta Ben Shemen gazte-herrian ere bai, eta Gordonia gazte mugimenduko kide aktiboa zen[3]. 1948ko arabiar-israeldar gerran, Palmachen eta Israelgo Defentsa Indarretan borrokatu zuen.

Saliba Khamis arabiar kristauarekin ezkondu zenean, Nazaretera joan zen bizitzera. Bertan Mer-Khamis atxilotu zuten hirian baimenik gabe sartzeagatik, eta bi astez egon zen espetxean[3]. Hiru seme izan zituen: Spartacus, Juliano eta Abir[4]. Juliano Mer-Khamis, aktore, zinemagile eta bakezaleak Arna's Children filma zuzendu zuen eta 2011n eraila izan zen.

Aktibismo politikoa

Mer-Khamis Israelgo Alderdi Komunistako kide aktiboa zen. Lehenengo Intifadan, Zisjordaniako haurren hezkuntza sustatzeko proiektu baten baitan, In the Defense of Children Under Occupation/Care and Learning erakundea sortu zuen, eta geroago Askatasuna Antzokia ezarri zuen Jeningo iheslarien esparruan.

Sariak

1993an, Right Livelihood Award saria eman zioten. Bere hitzaldian, Arna Mer-Khamisek Palestinako haur errefuxiatuekiko eta haien sufrimenduekiko sinpatia adierazi zuen[5].

Erreferentziak

  1. ↑ a b (Ingelesez) «Arna Mer-Khamis» Arna - Active memorial site jatorrizkotik artxibatua (artxibatze data: 2011-07-21) (Noiz kontsultatua: 2024-10-06).
  2. ↑ (Ingelesez) Kessler, Oren; Abu Toameh, Khaled. «Actor Juliano Mer-Khamis gunned down in Jenin» The Jerusalem Post 2011-04-04 (Noiz kontsultatua: 2024-10-06).
  3. ↑ a b (Hebreeraz) Aviel, Yaakov. «היהודיה מנצרת» Maariv: 10. 1957-07-12 (Noiz kontsultatua: 2024-10-06).
  4. ↑ (Ingelesez) Birenberg, Yoav. «Juliano Mer's final curtain call» Ynetnews 2011-04-06 (Noiz kontsultatua: 2011-04-06).
  5. ↑ (Ingelesez) «Acceptance Speech by Arna Mer-Khamis» Right Livelihood Award 1993-12-09 jatorrizkotik artxibatua (artxibatze data: 2008-11-19) (Noiz kontsultatua: 2024-10-06).

Kanpo estekak