Geometrian, Arkimedesen solidoak (edo poliedro erdierregularrak) simetria handiko poliedro ganbil erdierregularrak dira, baldintza hau betetzen dutenak: aurpegiak bi edo hiru motako poligono erregularrak dira, erpin uniformeetan elkartzen direnak. Propietate horrek solido platonikoetatik bereizten ditu, platonikoetan aurpegiak mota bakar bateko poligonoak direlako; eta bai Johnson-en solidoetatik ere, azken solido horietan aurpegiak ez direlako elkartzen erpin uniformeetan. Arkimedesek aurkitu zituen gorputz hauek; baina haren lanak galdu, eta Berpizkundera arte ez zituzten berraurkitu artistek eta matematikariek.

Arkimedesen solidoak 13 dira (edo 15, hexaedro moztuaren eta dodekaedro kamutsaren bi forma kiralak kontuan hartzen baditugu).

Hemen, erpin-konfigurazioa terminoak adierazten du zer motatako poligono erregularrak elkartzen diren erpinetan. Adibidez, (4,6,8) erpin-konfigurazioak esan nahi du karratu bat, hexagono bat, eta oktogono bat elkartzen direla erpin bakoitzean (erpinaren inguruan, erlojuaren orratzen noranzkoan).

Izena (erpin-konfigurazioa)	Gardena	Kolore solidotan	Garapena	Aurpegiak		Ertzak	Erpinak	Simetria-taldea
tetraedro moztua (3.6.6)	(Animazioa)			8	4 triangelu 4 hexagono	18	12	Td
kuboktaedroa (3.4.3.4)	(Animazioa)			14	8 triangelu 6 karratu	24	12	Oh
kubo moztua edo hexaedro moztua (3.8.8)	(Animazioa)			14	8 triangelu 6 oktogono	36	24	Oh
oktaedro moztua (4.6.6)	(Animazioa)			14	6 karratu 8 hexagono	36	24	Oh
erronbikuboktaedroa edo erronbikuboktaedro txikia (3.4.4.4 )	(Animazioa)			26	8 triangelu 18 karratu	48	24	Oh
kuboktaedro moztua edo erronbikuboktaedro handia (4.6.8)	(Animazioa)			26	12 karratu 8 hexagono 6 oktogono	72	48	Oh
kubo kamutsa edo hexaedro kamutsa edo kuboktaedro kamutsa (2 forma kiralak) (3.3.3.3.4)	(Animazioa) (Animazioa)			38	32 triangelu 6 karratu	60	24	O
ikosidodekaedroa (3.5.3.5)	(Animazioa)			32	20 triangelu 12 pentagono	60	30	Ih
dodekaedro moztua (3.10.10)	(Animazioa)			32	20 triangelu 12 dekagono	90	60	Ih
ikosaedro moztua (5.6.6 )	(Animazioa)			32	12 pentagono 20 hexagono	90	60	Ih
erronbikosidodekaedroa edo erronbikosidodekaedro txikia (3.4.5.4)	(Animazioa)			62	20 triangelu 30 karratu 12 pentagono	120	60	Ih
ikosidodekaedro moztua edo erronbikosidodekaedro handia (4.6.10)	(Animazioa)			62	30 karratu 20 hexagono 12 dekagono	180	120	Ih
dodekaedro kamutsa edo ikosidodekaedro kamutsa (2 forma kiralak) (3.3.3.3.5)	(Animazioa) (Animazioa)			92	80 triangelu 12 pentagono	150	60	I