Argentinako Patrizioak (Patricias Argentinas) izena omenaldi bat da, 1812ko maiatzaren 30ean fusil bat erosteko behar zuen dirua eman zuten Buenos Airesko lehen hamalau damei egin zitzaiena, izan ere, estatu hasiberria egoera ekonomiko txarrean zegoen eta ezin zituen Armada Askatzailea mantentzeko behar ziren armak ordaindu. Izen hau, denboran zehar, Argentinako Independentzia progresiboan lagundu zuten beste emakume kreole batzuengana hedatu zen, euren ondasun edo ekintzekin.

Patrizioek erositako fusil bakoitzak emailearen izena zeraman, garaipenaren unean honako hau esan zezaten: "Nik ausart honen besoa armatu nuen bere loria eta gure askatasuna ziurtatzeko".

Harpidetu ziren damak hauek izan ziren: Tomasa de la Quintana, María de los Remedios de Escalada, María de las Nieves de Escalada, María Eugenia de Escalada de Demaría, María de la Quintana, María Sánchez de Thompson, Carmen de la Quintanilla de Alvear, Ramona Esquivel y Aldao, Petrona Bernardina Cordero, Rufina de Orma, Isabel Calvimontes de Agrelo, Magdalena de Castro de Herrero, Ana Jacoba García de Zúñiga eta María de la Encarnación Andonaégui de Valdepares.