Anna Pirozzi (Napoli, 1975) italiar soprano dramatikoa da[1][2][3] Nahiz eta kasu batzuetan, bere ahotsa soprano lirikoarena bezala ere deskribatzen den.[4][5] Bere garaiko abeslarietako bat da.
Ibilbidea
Operan jardun aurretik, pop musikan aritzen zen Pirozzi, tabernetan, ezkontzetan eta bestelako espazioetan kantatuz. Aostako Haraneko Musika Institutuan hasi zen musika ikasten. Hogeita bost urterekin, opera abeslariek debuta egin ohi duten adin horretan, Turingo Giuseppe Verdi Kontserbatorioan sartu zen eta Silvana Moysorekin ikasi zuen.[6] Nahiz eta berandu zela pentsatu, opera ibilbideari ekitea erabaki zuen. Kontserbatorioko ikasketak amaitu zituenean, probintzietako antzokietatik bira egiten hasi zen, eta zailtasun handiak aurkitu zituen arte agenteek kontuan har zezaten.[7] Daniela Dessi, Mirella Freni, Luciana D’Intino, Rockwell Blake eta Sylvie Valayre-ren maisu-maistren eskolekin osatu zuen bere prestakuntza.[8]
2012ko ekainean, hogeita hamasei urte zituela, Gianandrea Nosedak zuzendutako Un baile de máscaras lanean Ameliaren rola antzeztea lortu zuen Regio antzokian (Turin).[9] 2016an, Bavariako Estatu Operan rol hori interpretatzeko aukera izan zuen, Zubin Mehtaren zuzendaritzapean, Anja Harteros ordezkatzeko deitu zutenean, eta 2020an, Errege Antzokian (Madril) egin zuen.[10]
Pirozzik nazioarteko orkestra zuzendariekin kolaboratzen du erregularki, hala nola, Riccardo Muti, Zubin Mehta, Nello Santi, Nicola Luisotti, Daniel Oren, Donato Renzetti, Gianandrea Noseda, Francesco Ivan Ciampa, Jordi Bernacèr, Renato Palumbo eta Marco Armiliatorekin.[11]
2022ko ekainaren 26an, Madrilgo Errege Antzokian, Turinen debuta egin zuenetik hamar urteko ibilbidea egin zuen, Nabuccoko entseguetan, zeinarekin bira bat hasi baitzuen Europako hiriburuetan zehar.[12]
2021eko abuztuan, Corriere della Serari egindako elkarrizketa batean, adierazi zuen body shaming-a (gorputzaren umiliazioa) existitzen dela operaren munduan, bereziki emakumeen artean, eta batez ere estilo abangoardistako ekoizpen batzuetan, emakume bat baztertu egin daitekeela bere pisuagatik. COVID-19aren pandemiak eragindako konfinamenduan irabazitako hamasei kiloak galtzeko gehiago ez sufritzea erabaki zuela onartu zuen Pirozzik, eta ez zuela pasta plater bat kentzeko asmorik, bere aldartea hobetzen duelako. Bere ibilbidea 30 urterekin hasi zuela ere aipatu zuen elkarrizketan, eta nola, adin batetik aurrera, paper batzuk abesteko emakumeak zaharregiak direla uste den.[13][14]
Irakasle ere aritzen da, eta maiz ematen ditu kantuko eskola magistralak.[15][16] Lau urtez jokatu zuen, emakumezkoen errugbi talde batean, Aostan, baina sudur-trenkada hautsi zitzaionean, entrenatzen jarraitu edo kantatzearen artean aukeratu behar izan zuen, eta kirola utzi zuen.[17][18]
Erreferentziak
Kanpo estekak
