Aleutiera[1] (aleutieraz: unangam tunuu[2]) eskimo-aleut familiako hizkuntza da. Aleutiarretan, Pribilof eta Komandante uharteetan bizi den herri aleuten hizkuntza da. 1995ean 305 aleutiar hiztun zeuden baina egun 100-150 besterik ez dago.[3]
Dialektologia
Aleutiera hizkuntza eskimalekin (yupikera eta inuitera) batera baino ez dago eskimo-aleut taldean. Ekialdeko Aleutiera eta Atkan bi dialekto talde nagusiak dira. Ekialdeko taldearen barruan Unalaska, Belkofski, Akutan, Pribilof uharteetakoa, Kashega eta Nikolski dialektoak daude. Atkan taldearen barruan, Attu, Bering uhartea eta Copper (edo Mednyy) uharteko dialektoak daude.
Gramatika
Aleutiera, eskimo-aleut talde linguistikoarekin batera, morfologia opako eta nahasia du. Lehenago uste izan zen hizkuntza ergatiboa zela,[4] baina Alaskako Unibertsitatean egindako ikerketa batek frogatu du, bere eskimo-aleut ahaideekin harremana duen arren, aleutierak arbaso komunaren talde linguistikoaren ergatibitatea hautsi duela. Aleutieraren estilo polisintetikoak, aldiz, tokiko hizkuntza artiko eta siberiarren eragina erakusten du.[5]
Erreferentziak
- ↑ Euskalterm: [Hiztegi terminologikoa] [2002]
- ↑ (Ingelesez) Bergsland, Knut. (1994). Aleut Dictionary = Unangam Tunudgusii: an unabridged lexicon of the Aleutian, Pribilof, and Commander Islands Aleut language. Alaska Native Language Center, University of Alaska ISBN 978-1-55500-047-9..
- ↑ (Ingelesez) Alaska Native Languages: Population and Speaker Statistics. Alaska Native Language Center, University of Alaska Fairbanks.
- ↑ Bergsland, Knut. (1997). Aleut Grammar = Unangam Tunuganaan Achixaasix. Fairbanks, AK: Alaska Native Language Center, University of Alaska ISBN 1-55500-064-9..
- ↑ Berge, Anna. (2006). Niiĝuĝis Mataliin Tunuxtazangis: How the Atkans Talk (A Conversational Grammar). Fairbanks, AK: Alaska Native Language Center, University of Alaska ISBN 6-416-22491-11..
Kanpo estekak
