"Aldapeko" abestia edo Aldapeko sagarraren adarraren puntan abestia, garai modernoetan bertsio asko jaso dituen abesti herrikoia da.

Sagardogintzan, kirikoketa jotzearekin batera abesten zen doinu batean izan lezake jatorria^[1].

Bertsiorik ezagunenak, agian Oskorri taldearenak (The Pub Ibiltaria 1) eta Kalakan taldearenak. Azken hauek bere kabuz eta Madonnarekin grabatu eta zuzenean ere jo egin dute, "Sagarra jo" izena emanda^[2].

Aldapeko sagarraren

adarraren puntan,

puntaren puntan,

txoria zegoen kantari.

Xiru-liruli,

xiru-liruri,

nork dantzatuko ote du

soinutxo hori?

Zubiburu zelaieko

oihanaren zolan,

zolaren zolan,

lili bat bada beilari^[3][4].

Xiru-liruli,

xiru-liruri,

nork bilduko ote du

lili xarmant hori?

Mende huntan

jasan dudan

bihotzeko pena,

penaren pena,

nola behar dut ekarri?

Xiru-liruli,

xiru-liruri,

zuk maitea har ezazu

ene pena hori!