Zoltán Szilassy [silaŝi], laŭ hungarlingve kutima nomordo Szilassy Zoltán estis hungara agronomo, redaktoro, altlerneja instruisto, parlamenta deputito. Liaj nobelaj antaŭnomoj estis szentiváni, pilisi kaj szilasi [sentivAni, piliŝi, silaŝi].
Zoltán Szilassy[1] naskiĝis la 8-an de majo 1864 en Léva (Hungara reĝlando, Aŭstra Imperio, nuntempa Levice en Slovakio), li mortis la 5-an de februaro 1932 en Budapeŝto.
Biografio
Zoltán Szilassy akiris agronomian diplomon en Ekonomia Akademio (Magyaróvár) en 1884. Post la diplomo li laboris en magnata bieno, inter 1885 – 1892 li estis asistanto en la akademio apud Sándor Cserháti. En 1892 li translokiĝis al Budapeŝto kaj li havis altan postenon en agronomia organizaĵo kaj li redaktis agrarajn gazetojn. Li ankaŭ studvojaĝis eksterlande. Inter 1905–1918 li estis parlamentano. Li ricevis hungaran premion en 1896, serban en 1899. Lia edzino naskis 4 filinojn inter 1896-1900.
Elektitaj kontribuoj
- A fű-féle takarmánynövények termesztése (1892)
- A filippopoli kiállítás és Bulgária mezőgazdasági viszonyai (1892)
- Amerikai mezőgazdaság (1897, 1898)
- Szálas takarmánynövények termesztése (kunaŭtoro, 1907, 3-a eldono en 1928)
Fontoj
Referencoj
