Villeneuve ([vilnöv]) esta svisa komunumo kaj historia urbeto de la Distrikto Aigle en Kantono Vaŭdo en Svislando. Ĝi havis 4 969 loĝantojn je la 31-a de decembro 2012.
Geografio
La komunumo Villeneuve situas inter la orienta fino de Lago Lemano kaj Lago de Hongrin, ĉ 4 km sude de Montreux.
En la lago antaŭ Villeneuve situas la artefarita Insulo de Peilz.
La Tinière, rojo longa je ĉirkaŭ 6 km, trafluas la komunumon de Villeneuve, kaj la rivero Eau Froide formas ĝian okcidentan limon kun Noville kaj sudan limon kun Corbeyrier.
La komunuma teritorio etendiĝas de la orienta bordo de Lago Lemano en sudokcidento ĝis al la valo de Chaude kaj Lago de Hongrin en nordoriento. La "Pointe d'Aveneyre" estas ĝia kulmina punkto kun alteco de 2026 m s.m..[1]
La teritorio de la komunumo etendiĝas sur areo de 32,13 km², de kiuj 51,3% estas kovritaj de arbaro, 29,8% servas por agrikulturo kaj 8,2% por setlado.
[2]
Trafiko
Tra la komunumo pasas la kantona ĉefvojo n-ro 9 kaj la svisa aŭtovojo A9, al kiu la urbo disponas pri propra alveturejo. Pere de la stacidomo ĉe la trajnlinio de Laŭzano al Brigo la komunumo estas konektita al la publika transportreto.
Najbaraj komunumoj
La komunumo Villeneuve limas en nordokcidento al Veytaux, en nordo al Rossinière, en nordoriento al Château-d'Œx, en oriento la Lago de Hongrin kaj Ormont-Dessous en sudoriento al Corbeyrier, en sudo al Roche, en sudokcidento al Rennaz, kaj en okcidento al Noville.
Famaj loĝantoj
En Villeneuve, rezidis la franca verkisto Romain Rolland, kaj tie li renkontis Mahatmon Gandhion en 1931.
Victor Hugo, Richard Wagner kaj Oskar Kokoschka ankaŭ tie restadis.
Historio
La unua dokumenta mencio de Ormont-Dessous datiĝas el la jaro 280 kiel Penne Locos.
Ville neuve de Chillon estis la unua setlejo en la regiono, kiu estis fondita de la savojoj. Ĝi ricevis en la jaro 1214 urborajton.[3]
Vidu ankaŭ
Notoj kaj referencoj
Eksteraj ligiloj
