Tiu specio havas tre grandajn foliojn, ĝis 3 m de diametro, kiuj flosas sur la akva surfaco el merĝita tigo, 7–8 m longa. La specio estis iam nomita Victoria regia laŭ reĝino Viktoria, sed tiu nomo estis anstataŭita.
V. amazonica estas indiĝena de neprofundaj akvoj de la Amazona Baseno, kiaj meandraj lagoj kaj marĉoj. Ĝi estas priskribita en la Gujanablazono. La floroj estas blankaj la unuan nokton kiam ili malfermiĝas sed iĝas rozkoloraj la duan nokton. Ili estas ĝis 40 cm de diametro, kaj estas polenigitaj de skaraboj. Tiu procezo estis priskribita detale fare de Sir Ghillean Prance kaj Jorge Arius.[2][3] Ĝi estas la plej granda nimfeo en la mondo.
↑Prance, Ghillean T. & Jorge R. Arius. A study of the floral biology of Victoria amazonica (Poepp.) Sowerby (Nymphaeaceae). Acta Amazonica 5 (2): 109-139. 1975.
