Valdelagua del Cerro [baldeLagŭa delZero] estas municipo de Hispanio, en la regiono Kastilio kaj Leono, norde de la provinco Sorio kaj komarko Tierras Altas (Altaj Teroj) en la nordo de la provinco, kaj en la subkomarko Moncayo, aŭ Tierra de Ágreda. La loknomo Valdelagua del Cerro estas etimologie komprenebla kiel Valo de la Akvo de la Monteto.
Ĝia municipa teritorio okupas totalan areon de 4,85 km² kaj laŭ la demografia informo de la municipa censo fare de la INE en 2021, ĝi havis 12 loĝantojn. Ĝi perdis loĝantojn dum la 20-a jarcento pro migrado al urbaj areoj, kiel ja okazis en multaj loĝlokoj de la regiono, fakte perdis 300 loĝantojn el la 1930-aj jaroj.
Ĝi distas 44 km de Sorio, provinca ĉefurbo. En ĝia teritorio inklude en la Reto Natura 2000 estas la Loko de Komunuma Intereso konata kiel Cigudosa-San Felices, okupanta 299 hektarojn, nome 62% de la teritorio.
Historio
La areo apartenis unue al la Regno Kastilio. En Mezepoko okazis reloĝado fine de la 10-a jarcento.
Aktualo
Tradiciaj enspezofontoj estis agrikulturo (cerealoj), forstado kaj transmigra brutobredado (ŝafoj kaj bovoj). Lastatempe funkciado de servoj plej ekgravis, kune kun kultura kaj rura turismo, piedirado tra naturaj lokoj. Inter vidindaĵoj estas la preĝejo.
_Mapa.svg)