La Universitato Rockefeller (angleRockefeller University) situas en la sudoriento de la insulo Manhatano en Novjorko. Ĝi estas malgranda universitato dediĉata al biomedicina scienco. La Instituto Rockefeller por la Medicina Esplorado, antaŭanto de la Universitato, estis fondita en 1901 de John D. Rockefeller, kiu antaŭe fondis la Universitaton de Ĉikago. La Instituto ŝanĝis sian nomon al Universitato en 1965 inkluzivinte la instruadon.
Nobel-premiitoj
Ekde la fondiĝo de ĉi tiu institucio en 1901, 23 Nobel-premiitoj iel rilatis al ĝi. El ili ĉiuj, du diplomiĝis en Rockefeller (Edelman kaj Baltimore) kaj ses laŭreatoj estas nunaj anoj de la fakultato Rockefeller (Günter Blobel, Christian de Duve, Paul Greengard, Roderick MacKinnon, Paul Nurse kaj Torsten Wiesel).
La Premio Pearl Meister Greengard (angle Pearl Meister Greengard Prize) estas premio donita ĉiujare ekde 2004, fare de la Universitato Rockefeller al la plej elstara sciencistino(j) en biologia - medicina esplorado. La premiomono nuntempe staras je 100 000 usonaj dolaroj.
