Salvadori estis naskiĝinta en Porto San Giorgio, filo de grafo Luigi Salvadori kaj Ethel. Li prenis fruan intereson pri birdoj kaj publikigis katalogon de la birdoj de Sardio en 1862. Li poste studis medicinon en Pizo kaj Romo.[1]
Li partoprenis la armean ekspedicion de Garibaldi en Sicilion nome la Ekspedicio de la Milo, funkciante kiel kuracista oficiro.
Li estis helpanto en la Muzeo de Zoologio en 1863, kaj iĝis Vicdirektoro de la Royal Museum of Natural History (Reĝa Muzeo de Naturhistorio) en Torino en 1879. Li estis specialisto pri birdoj de Azio. En 1880, li estis en forpermeso al la Muzeo pri natura historio de Londono por labori pri iliaj katalogoj. La Salvadoria fazano (Lophura inornata) estas nomigita laŭ li kiel ankaŭ la Salvadoria varano, Varanus salvadorii (ankaŭ konata kiel la varano de Salvadori, la Papua varano, aŭ Artelia). Li publikigis ĉirkaŭ 300 artikolojn pri ornitologio.[1]
