Lanoye komencis kiel poeto laŭ la stilo de John Cooper Clarke. Kune kun James Bordello li ekde 1981 prezentis siajn verkojn neanoncite en studentaj trinkejoj de la urbo Gento kaj fine de la sama jaro li prezentis sin en la Nokto de la poezio en Utreĥto. Kun la sama vervo li eldonis proprakoste kelkajn libretojn kaj li verkis polemikajn tekstojn por la gazetoj De Zwijger, Propria Cures kaj Humo.
En 1986 aperis lia rakontaro Een slagerszoon met een brilletje (Buĉista filo kun okulvitretoj). Tio kaŭzis lian renomon ĉe la granda publiko. Lia famo pligrandiĝis per pluaj opini-artikoloj en Humo, per lia adapto de War of the Roses de Shakespeare kaj per Monstertrilogie (Monstra trilogio), satiro pri lia amata Flandrio.
Lanoye iĝis la unua "urba poeto" de Antverpeno. Lia kompleta verkaro kiel urba poeto (poemoj, sed ankaŭ paroladoj) estis eldonita en aprilo 2005 sub la titolo Stadsgedichten (Urbaj poemoj).
1997 - Ten oorlog (teatraĵo, kune kun Luk Perceval; ses eroj laŭ Wars of the Roses de Shakespeare. En Germanio ili estis prezentitaj sub la nomo Slachten!)
1999 - Zwarte Tranen (romano, gajnis la premion Gouden Uil (Ora strigo) en 2000)
2001 - Tekst & uitleg/Woorden met vleugels (kritikoj)
