Ternato estis menciita unue en 1365. Ternato iĝis grava havenurbo kaj centro de la spickomerco, konkurante kun ĝia rivalo Tidore. Ankaŭ eksterlandaj komercistoj poste kreis fundamentojn de la ĉina kaj araba kvartaloj. Ternate oficiale iĝis islama sultanlando, la pinto de ĝia potenco estis en la deksesa jarcento. La unuaj eŭropanoj estis portugaloj, ili venis 1512 kaj konstruis fortikaĵon en 1522. La islamanoj ribelis kontraŭ la portugaloj en 1570. Hispanaj trupoj konkeris la antaŭan portugalan fortikaĵon de la Ternato en 1606. La nederlandanoj finfine iĝis la reganta potenco. Erupcio en 1840 detruis la urbon, lastatempaj erupcioj okazis en 1980, 1983, 1994 kaj 2011. Inter 1942-1945 dominado de japanoj okazis. Ternato urbiĝis en 1946, sed inter 1965-1981 tiu statuso ne estis valida. En 2010 la pli nova provinca ĉefurbo iĝis Sofifi.
Ekonomio
Ekonomio de Ternato estas varia (servoj, agrikulturo, fiŝkaptado). Dum la historio la plej grava estis produktado de muskatoj.
Moskeo
Religio
La loĝantoj plejparte sekvas la Islamon. Ekzistas ankaŭ konsiderinda protestanta minoritato.
Eduko
En Ternato en 2020 funkciis 114 infanĝardenoj, 124 bazlernejoj, 43 mezlernejoj, kelkaj universitatoj, institutoj, akademio kaj altlernejoj.
Trafiko
Hotelo
Monumento
Ternato havas trairan vojon laŭ la marbordo, havenon kaj flughavenon. En la urbego precipe busetoj kaj motorciklaj tricikloj trafikas.
Klimato
Ternato havas tropikan pluvarbaran klimaton (Af). En ĉiuj monatoj pluvas, resume jare 2199 mm. La averaĝa jara temperaturo estas 26 °C kaj varias inter 22-30 °C. Ne estas grandaj diferencoj inter la monatoj.
,_Indonesia_(2010).jpg)
