La areo de la municipo estas 175 km2 kie loĝas 2 241 geloĝantoj (2019), do loĝdenso estas 13,17 loĝ./km2.
Geografio
Siles situas sur la nordoriento de la komarko Sierra de Segura en la nordoriento de la provinco, lime kun la provinco Albacete. Estas sur 826 m de altitudo, en tipa pejzaĝo de olivarbaroj kaj de montaroj de la provinco Ĥaeno. La geografiaj koordinatoj estas 38°23′16″N 2°34′57″O.
Granda parto de la municipo formas parton de la Natura Parko de las Sierras de Cazorla, Segura y Las Villas. Ties teritorio estas ĉefe agrikultura kaj dependa de la olivarboj. Pro sia enklavo, estas municipo tre forsta apud la rivero, koncentritaj la kultivejoj, fundamente olivarbaroj, sur strio de direkto sudokcidente-nordoriente kio inkludas la apudecojn de la urba kerno kaj la municipa enklavo de la municipo de la nordokcidento de la komarko. La ekonomia agado esta bazita sur la agrikulturo (olivarboj) kaj la turismo, kun kontribuo ankaŭ de la forsta profito kaj de la brutobredado de ŝafoj.[1]
Ĝi estas je 160 km de Ĥaeno, provinca ĉefurbo, je 101 km de Úbeda kaj je 29 km de Segura de la Sierra, kaj Siles estas unu de la ĉefaj alirejoj al la Sierra de Segura el la provinco Albacete, tra Riopar. La ĉefa urba kerno aperas en la folio 865. Ties koordinatoj estas: 38°23′N 2°35′O.
La Torre del Cubo (Sitela Turo), el premtero kaj masonado, elstaras pro siaj 27 m de alto. De cirkla plano kaj duetaĝa, ĝi havas unue fornan volbon kaj poste gotikan nervan volbon. Laŭ la konstrumaniero temas pri konstruo fare de islamanoj restrukturita en epoko de la Ordeno de Santiago. Estas ankaŭ restaĵoj de murego kaj de alia turo.
Preĝejo de Nuestra Señora de la Asunción
Ĝi estis konstruita inter la 14a kaj 15a jarcentoj kaj reformita dum la 18a jarcento. Ĝi havas unusolan navon kun flankaj kapeloj. La turo estas de la 16a jarcento.
Ermitejo de Sankta Roĥo
Ĝi estis konstruita en la 18a jarcento kun unu navo kaj trabaro el ligno.
En 1940 oni atingis pinton de 5000 loĝantoj, poste venis elmigrado kaj oni falis ĝis la nunaj iom pli ol 2000. Tio estas oni perdis multe pli ol duono.
.jpg)
.svg)
.svg){kind=small}
