Santa Cruz de los Cáñamos [santakrUz de los kAnjamos] (Sankta Kruco de la Kanabo) estas municipo de Hispanio, en la provinco de Ciudad Real, regiono de Kastilio-Manĉo. Kuriozaĵo estas ke en la blazono de tiu vilaĝeto aperas folio de kanabo, kio nur lastajn jardekojn iĝis tutmonda alternativa simbolo; kompreneble ĉi tie devenas el epoko kiam kanabo estis tradicia utila kultivo por tekstila industrio, ekzemple por ŝnuroj.
Loĝantoj
La loĝantoj nomiĝas Toperos. La censita populacio en 2010 estis de 593 loĝantoj kaj la denseco estas de 33,47 loĝ/km².
Situo
Santa Cruz de los Cáñamos estas situa en la suda parto de Kastilio-Manĉo en la komarko aŭ distriktoKamparo de Montiel en la sudorienta parto de la provinco de Ciudad Real, je altitudo de 982 m. La areo de ties teritorio estas de 17.72 km². La geografiaj koordinatoj estas 38°38′16″ N 2°52′06″ Ok.
Limas norde, oriente kaj okcidente kun Montiel (al kies teritorio ĝi apartenis antikve), kaj sude kun Terrinches.
Ekonomio
Agrikulturo kaj brutobredado.
Historio
La deveno datas de 1212 kiam, post la batalo de las Navas de Tolosa, komencis la reloĝigon de la teritorio de la kastelo de Sankta Kruco. En 1225 don Pedro Fernández de Castro donis ĝin al la Ordeno de Santiago, kies kruco aperas en la supra parto de la blazono inter la folioj de kanaboj.
En 1575 sendependiĝis disde Montiel kaj laŭ la nomo de Santa Cruz de los Cáñamos.
.png)