La reĝa palaco en la 16-a jarcento Suda parto de la palaco Aerfoto pri la palaco Pordo en la palaco Vido el Danubo al la palaco
Situo
La palaco situas sur Monto Vár, en ties suda parto. La monto mem estas malalta longa monto, kiu sekvas direkton de Danubo.
Historio
Post invado de la tataroj en 1242 oni komencis konstrui fortikaĵon por defendi loĝantojn de Buda. Ekde 1347 komenciĝis konstruado de la gotika reĝa palaco kun defenda sistemo, kiu daŭris du jarcentojn. Paŝo post paŝo la hungaraj reĝoj vivis jam en palaco en Buda. Precipe Sigismondo la 1-a (Sankta Romia Imperio) konstruis imponan palacon, sed ankaŭ aliaj reĝoj alkonstruis ion. Aparte menciindas pompa kortumo de Matiaso la 1-a. Tiel la fortikaĵo havas 3 partojn:
serio de reĝaj palacoj en la suda parto
palacoj de la magnatoj en la meza parto (ekzemple Palaco Sándor)
ornamaj nobelaj domoj en la norda parto.
La reĝa palaco nun: A-D: Nacia Galerio; E: muzeo; F: biblioteko
Inter 1541 kaj 1686 la turkoj posedis la palacon, sed ili konstruis preskaŭ nenion, ĉar tiom sufiĉis al ili. Post daŭra sieĝo la fortikaĵo en 1686 estis rekonkerita de kristanaj fortoj. Tamen post akraj bataloj la Palaco estis preskaŭ tute detruita. La restaĵojn oni malkonstruis kaj inter 1714-23 konstruis la unuan malgrandan palacon. Ĝis 1780 la palaco fariĝis sidejo de universitato, poste sidejo de la palatino, ĉar la Habsburgoj vivis en Vieno. En la 19-a jarcentoarkitektojMiklós Ybl kaj Alajos Hauszmann konstruis la lastajn palaco-partojn. La lasta loĝanto de la Palaco estis Miklós Horthy ĝis 1944.
