Raimundo AMADOR Fernández (Sevilo, 26-a de majo 1959) estas hispana muzikisto (gitaristo, kantisto, komponisto, aranĝisto).
Kariero
Li ekludis estante knabo surstrate en Sevilo. En la flamenkejo "Los Gitanillos" li konis Camarón de la Isla kaj Paco de Lucía. Kun la unua li kunlaboris poste por la registrado de La leyenda del tiempo.[1] Dua albumo ne fariĝis pro la frua morto de Camarón.[2] Meze de la 1970-aj jaroj, li konis Kiko Veneno, kaj en 1977 triope kun sia frato Rafael, formis la grupon Veneno.
En 1981, li grupiĝis denove kun sia frato Rafael kiel fuzia grupo Pata Negra.[3] Li lasis Pata Negra pro malkonsento kun sis frato, kaj registris sian lastan koncerton en 1989. Amador kreis novan grupon de flamenka bluso, kun la iama gitaristo de la grupo Guadalquivir, nome Luis Cobo, "El Manglis". Kun tiu grupo, nome Arrajatabla, publikigis ununuran diskon, Sevilla blues (Fonomusic, 1992).
Poste li entreprenis soloan karieron kaj kunlaboris kun tre diversaj artistoj kiel B.B. King, Björk, Concha Buika, SFDK kaj aliaj.
Diskaro
- Gerundina (1995)
- En la esquina de Las Vegas (1997)
- Noche de flamenco y blues (1998)
- Un okupa en tu corazón (2000)
- Isla menor (2003)
- Mundo Amador (2005)
- Medio hombre medio guitarra (2010)
- 60 aniversario. Directo en casa (2019)
Referencoj
Bibliografio
- Luis Clemente: Rock Andaluz: Una discografía. Eld. Ayuntamiento de Montilla, Córdoba, 2006. ISBN 84-896-1994-4
Eksteraj ligiloj
- En tiu ĉi artikolo estas uzita traduko de teksto el la artikolo Raimundo Amador en la hispana Vikipedio.
