Provinco Sankuro estas unu el la novaj dudek ses provincoj de Demokratia Respubliko Kongo kreitaj en 2015, en la centra parto de la lando. Laŭ oficiala takso el la jaro 2005 ĝi havis 1 374 239 loĝantojn. Konsiderante ke la provinca areo estas 105 000 kvadrataj kilometroj, el tio rezultas loĝdenso de po 13 homoj por kvadrata kilometro. Administra centro estas la urbo Lusambo.
La provinco Kasajo Orienta, provinco Lomamo kaj provinco Sankuru estis rezulto de la disigo de la iama Provinco Kasajo Orienta.[1]
La provinco ekhavas sian nomon laŭ la rivero Sankuru. Geografiaj elementoj estas la riveroj Sankuru, Lomami, Lubefu kaj Lukenie. Estas tipe tri naturaj medioj en la provinco: nome arbaroj, savanoj kaj arbustoj. Estas nombraj montoj, valoj kaj rimarkindaj naturaj baroj. Tiu provinco havas riĉan faŭnon, kiel leonoj, zebroj, antilopoj, tragelafoj, hipopotamoj, variaj specioj de tropikaj serpentoj, krokodiloj, testudoj, variaj specioj de simioj, fiŝoj, birdoj kaj ĉimpanzoj. Sankuru havas tre riĉan biodiversecon.
Ĉefministro Patrice Lumumba kaj muzikisto Papa Wemba devenis el tiu regiono.
Notoj
