En tiu loko kirko jam ekzistis en 1332, sed oni konjektas, ke ĝi estis konstruita en la 11-a jarcento. En 1696 oni konstruis en la nuna loko alian kirkon, ĝi estis renovigita en 1767. Tamen en 1811 ĝi estis malkonstruita kaj poste la nun videbla preĝejo estis finkonstruita en 1817. La orgeno estis kreita en 1869.
Konstruaĵo
La konstruaĵo situas sola sur monteto apud malnova tombejo. La kirko estas ĉirkaŭita per mezepoka defenda muro. La fasado estas simetria, meze la enireja parto reliefas, ĉe la anguloj po unu plejparte oklateraj turoj altiĝas. Super la enirejo estas 2 grandaj fenestroj, pli supre 4 malgrandaj fenestroj. La ĉefnavo havas po unu flanknavojn, kiel en la originaj bazilikoj. Sub la konstruaĵo estas kripto de la loka magnato, sed pro forpaso de la lasta ido en 1980 la kripto estis enmurita. La navo finiĝas en rektangula absido. El la malnova preĝejo restis kelke da mebloj. La altara bildo estis pentrita de János Mihály Hesz ĉirkaŭ 1815.
