Kirko Naskiĝo de Maria estas romkatolika preĝejo en Hungario, en Budapeŝto, en distrikto Józsefváros.
Historio
En la fruaj 1930-aj jaroj Hungaraj Ŝtatfervojoj konstruigis preĝejon en kolonio de fervojistoj. Dum la 2-a mondmilito la konstruaĵo perdis la turon, ekde tiam nur trunkita turo estas videbla.
Konstruaĵo
La kirko situas sola en malgranda korto. En mezo de la fasado estas la ornamriĉa enirejo, pli supre la trunkita turo altiĝas. Apud la turoj estas flanke po unu kompletaj turetoj, kiuj preskaŭ atingas altecon de la ĉefturo. Malantaŭ la turoj la ĉefnavo etendiĝas, kiun pilieroj apogas. En fino de la navo krucnavo etendiĝas, fine la plurlatera absido estas videbla. Ankaŭ sakristio aliĝas al la absido.
Interne ornamo de la ĉefaltaro estas skulptaĵo pri Sankta Maria (Immaculata). La flankaj altaroj estas dediĉitaj al Koro de Jesuo kaj Emeriko de Hungario. La predikejo estis farita el ŝtonoj.
Kermeso okazas en dimanĉo inter la 8-an kaj 12-an de septembro.
Fontoj
