Perdrikoj estas birdoj de la familio de Fazanedoj kaj ene de ĝi de la subfamilio de Perdicinae aŭ en Esperanto Perdrikenoj. Ili formas nemigrantan malnovmondan grupon. Tre ofte oni uzas la terminon “perdriko” pli specife, nur por la birdospecioj de la plej konataj genroj: nome, Alectoris kaj Perdix.
Estas mezgrandaj birdoj, intermezaj inter la plej grandaj fazanoj kaj la plej malgrandaj koturnoj. Perdrikoj estas indiĝenaj de Eŭropo, Azio, Afriko, kaj Mezoriento. Perdrikoj estas surgrundonestumantaj semomanĝantoj.
Laŭ legendo de la greka mitologio, la unua perdriko aperis kiam Dedalo ĵetis sian nepon, Perdikson, de tegmento dum ĵaluza koleratako.
Perdrikoj estas fama aperaĵo en la kristnaska kanto "The Twelve Days of Christmas" (La 12 kristnaskaj tagoj), kie ili aperas en la linio, "And a partridge in a pear tree" (kaj perdriko en pirarbo).
Specilisto en taksonomia ordo
Eksteraj ligiloj
.jpg)
