Patton estas 1970-jara biografia filmo kiu rakontas pri Generalo George S. Patton dum la Dua Mondmilito. Aperas en la filmo George C. Scott, Karl Malden, Michael Bates, Karl Michael Volger, kaj aliaj. Ĝi estis direktita de Franklin J. Schaffner, kaj la scenaro estis verkita de Francis Ford Coppola kaj Edmund H. North. Ĝi gajnis sep Akademiajn Premiojn, inkluzivante premion por plej bona filmo.
La malfermanta monologo parolata de Scott kun giganta usona flago en la fono restas kiel ikona kaj influa imago de filmo. Malgraŭ la tiama kontraŭmilitismo en Usono de la Vjetnama Milito kaj malkreskanta intereso en filmoj pri la Dua Mondmilito, la filmo sukcesis kaj iĝis usona klasiko.
En 2003, ĝi estis elektita de la Usona Biblioteko de Kongreso kiel "kulture grava", kaj tial preservita ĉe la Usona Nacia Film-Registro.
Premioj
La aktorado de George C. Scott gajnigis por li Akademian Premion por plej bona aktoro en 1971. Li fame rifuzis akcepti ĝin, la unua aktoro – sed ne la lasta – rifuzi tian premion.
La filmo gajnis ses pluajn Akademiajn Premiojn:
- plej bona art desegno
- plej bona reĝisoro
- plej bona redaktado
- plej bona filmo
- plej bona sono
- plej bona originala scenaro
Ĝi kandidatiĝis por pluajn tri Akademiajn Premiojn:
- plej bona cinematografio
- plej bonaj specialaj efektoj
- plej bona muziko
Eksteraj ligiloj
