Oschersleben estas urbo en Germanio. Ĝi troviĝas en la distrikto Börde de la federacia lando Saksio-Anhalto. Fine de la jaro 2022 la komunumo havis 19 704 loĝantojn.
La urbon trafluas la rivereto Bode, kies nomo menciiĝas inter krampoj en la oficiala plena urbonomo. Krome sur la urba teritorio troviĝas unu el la fontoj de la rivero Aller, kiu fluas nordokcidenten direkte al la rivero Weser kaj la Norda Maro.
