La unua mencio pri ekzistado de Orlová devenas el la jaro 1223 en konekso kun dokumento de vroclavaepiskopo. La tiama vilaĝo kreis kernon de loko nomata Sal (salo) kaj ĝi apartenis al benediktanoj havantaj sidejon ĉe Krakow.
Nomo Orlová unuafoje estas menciata en 1227. Fare de benediktinoj konstruita orlova monaĥejo fariĝis sidejo de abatujo, kiu ekonomie forte influis regionon proksimume 160 km kv en la ĉirkaŭaĵo de Orlová ĝis la jaro 1560.
En mezepoko Orlová estis agrikultura vilaĝo. Sian signifon ĉi tie havis ankaŭ metia produktado. rincipan ŝanĝon alportis en la vivon de Orlová komenco de minado de nigra karbo en la 19-a jarcento. Okazas signifa kresko de loĝantoj kaj ŝanĝiĝas ankaŭ konstruo de la vilaĝo.
Fonda kunveno de Regiona Esperantista Ligo okazis 25-a de januaro 1931 en hotelo „Hvězda”. Estis elektitaj: 1-a prezidanto Ludwik Krysta, 2-a prezidanto Józef Poncza, komitatanoj: Josef Balický, Jaroslav Hladký, Jan Neděla, F. Petrák, Emanuel Sebera, Franciszek Skulina, Anton Slanina, V. Slaný. Regiona Ligo Silezia havis sian ĝeneralan kunvenon la 14-an de februaro 1932 en Orlová, Hotelo „Hvězda, je la 14-a horo. Ĉeestis 47 personoj el 15 lokoj. S-ro Rudolf Z. Kobiela salutis en la nomo de Macierz Szkolna. Sekretario Jaroslav Hladký prezentis raporton pri agado, kasisto Franciszek Skulina la raporton financan, laŭ kiu REL havas 500 Kĉ, bibliotekisto s-ro F. Petrák sendis raporton pri biblioteko, kiu havas 10 librojn. Laŭ novaj elektoj la komitato estas: Ludwik Krysta prezidanto, Józef Poncza vicprezidanto, Jaroslav Hladký sekretario, Vladimír Slaný vicsekretario, Franciszek Skulina kasisto, Emil Chudoba vickasisto, F. Petrák bibliotekisto, Emil Eisenberg anstataŭanto, Karl Adámek kaj František Křetínský revizoroj. ─ La kotizo estas 6 Kĉ plus 3 Kĉ aliĝkotizo. Subtenantoj 10 Kĉ. Okazis 11 laborkunsidoj, el ili tri sur montoj Ĉantorio, Javorový kaj Stožek. S-ro Křetínský sukcesis ligi kontakton kun radiostacio en Ostrava. ─ Por ke ĉiu REL-anoj perfektiĝadu en la lingvo, oni decidis, ke en ĉiu kunveno oni nacilingve diktos mallongajn artikolojn, kies tradukoj estos analizataj ĉiam en sekvanta kunsido. Por venonta kunveno preparos ĉiujn tri tekstojn instruisto Johann Liberda el Třinec.
