La operejo Garnier, aŭ palaco Garnier [prononcu garnie] (france Opéra Garnier aŭ Palais Garnier) estas unu el la du operejoj de Parizo. Ĝi troviĝas je la norda fino de la avenuo de la Operejo, en la 9-a arondismento de la franca ĉefurbo.
Ĝi estis konstruita okaze de la granda pariza renovigo fare de la barono Haussmann dum la 19-a jarcento, kaj estas la dektria teatrejo, kiu gastigas la Operejon de Parizo depost la fondo de tiu ĉi fare de Ludoviko la 14-a en 1669. La operejo disponas preskaŭ du mil seĝojn.
La operejo estis ofte kromnomita « la Operejo de Parizo ». Sed depost la konstruado de la operejo Bastille sur la placo Bastille en 1989, oni plejofte nomigas ĝin « operejo Garnier ».
Bildoj
Eksteraj ligiloj
