Nur amikoj (pole Sami swoi, laŭvorte "niaj propraj") estas pola komedio reĝisorita de Sylwester Chęciński en 1967, la unua parto de filmtrilogio kun la kultaj filmpersonoj Pavlak kaj Kargul. La personoj malamas sin reciproke, sed estas kunigitaj per sia deveno: ili kune kun siaj familioj alvenis al la ĝis tiam germanlingva Silezio, parto de la laŭ polaj naciistoj nomataj "Regajnitaj Teritorioj" el la polaj Orientaj Limregionoj. Specifa limregiona dialekto de la pola estas grava komedia ero de la filmo. La komedio estis filmita en du ejoj (vere en Silezio): en la vilaĝo Dobrzykowice (germane Wüstendorf) kaj la urbo Lubomierz (germane Liebenthal). En epoko, kiam la komunisma cenzuro tre atentis ne filme fokusigi temojn kiuj povus esti interpretataj kiel kritiko al Sovetunio, la ĝenro de filma komedio estis ebleco preteriri la cenzuron.
Eksteraj ligiloj
