Nordstrand estas eksa insulo, ekde la jaro 1987 duoninsulo kaj samtempe administra komunumo en Germanio (kovranta la plej grandan parton de la duoninsulo, la malgrandan reston kovras la komunumo Elisabeth-Sophien-Koog). La administra komunumo Nordstrand krome ankoraŭ pli norde de la duoninsulo kovras la haligon, do en alta tajdo inunditan insulon, Nordstrandischmoor. Ĝi troviĝas en la distrikto Nordfriesland de la federacia lando Ŝlesvigo-Holstinio. Fine de decembro 2022 la komunumo havis 2256 loĝantojn. La teritorio estas parto de la komunumaro Nordsee-Treene, administra ligo de pluraj formale sendependaj politikaj komunumoj.
Eksteraj ligiloj
la loka vadomaro
la komunuma haveno kun maldekstre ŝipo por kaptado de nordmaraj salikoketoj
