Nicolaus Matz estis rektoro el la Universitato Alberto Ludoviko de Frajburgo kaj Kanonikulo en Speyer. En 1499-a li donacis 117 librojn al sia naskiĝurbo, Michelstadt, kiu poste iĝis la bazon de la Biblioteko Nicolaus Matz, kiu portas lian nomon.
Vivo
Manuskripto el la Biblioteko de Nikolao Maco.
Nicolaus Matz komencis siajn studojn ĉe la Universitato de Vieno en 1457, kaj en 1459 li atingis magistrecon pri liberalaj artoj. En 1469 li finis siajn studojn pri teologio. Tiutempe li ankaŭ estis pastro en la Diocezo de Passau, sed en la sama jaro li moviĝis al la Universitato Alberto Ludoviko de Frajburgo, kie en 1470 li iĝis dekano de la filozofia fakultato kaj bibliotekisto de la artofakultato. Tamen, li abdikis je tiu oficejo en 1471, verŝajne pro kontadaj neregulaĵoj.
En 1473 li estis akceptita en la konsilantaron de la teologia fakultato, kaj en 1475 li iĝis rektoro de la universitato. En 1478 li petis esti liberigita de la servo. Malmulto estas konata pri lia plia vivo en dokumentoj inter 1499 kaj 1508. kiam li estis listigita kiel prebendisto kaj provizanto de la Speyer Katedralo-Monaĥejo (tiuj estis ses ne-noblaj klerikoj nomumitaj kune kun la noblaj kanonikoj, kiuj ankaŭ ricevis profiton kaj kiuj devis konduki la servojn).
La 8-an de decembro 1499, Matz donacis 117 binditajn librojn al sia hejmurbo Michelstadt. Laŭ lia deziro, la libroj estus disponeblaj por ĉiuj "kiuj estas lernendaj". La enhavo estis teologia laŭ naturo. La fondaĵo estis dizajnita kiel tielnomita ĉenbiblioteko la libroj estis alkroĉitaj al la plafono kun ĉenoj por protekti ilin kontraŭ ŝtelo.
La biblioteko estis kontinue vastigita en la sekvaj jarcentoj, plejparte fare de la Grafoj de Erbach. La lasta aldono datumas el la 1789-a. Ekde tiam, la biblioteko enhavis pli ol 4 mil librojn, inkluzive de proksimume 172 inkunabloj.
Ĝis la urba preĝejo de Michelstadt estis finkonstruita, la libroj estis konservitaj en Konservejo, proksime de la urba preĝejo, post kio ili estis movitaj al la sakristio de la urba preĝejo kaj ĉirkaŭ 1900 al la turo-ĉambro. En 1978 la biblioteko moviĝis el la turĉambro al la renovigita poŝtgarbejo de Thurn und Taxis. Ĝi estas sub la zorgo de la urbo kaj estas vizitebla laŭ aranĝo.[1]
Referencoj
↑Ĉi-artikolo estis tradukita surbaze de la germana samnoma Vikipedia dokumento.
