Mieczysław Kotarbiński (naskiĝis la 3-an de januaro 1890 en Varsovio, mortis la 27-an de majo 1943 samloke) – pola pentristo kaj grafikisto.
Vivo
Filo de Miłosz kaj Ewa Koskowska, frato de Tadeusz Kotarbiński kaj Janusz, edzo de Julia. En la jaroj 1921-1923 estis profesoro de la Universitato en Vilno, poste de 1923 de la Belarta Akademio en Varsovio. Okupiĝis pri grafiko, pentrado, metaloplastiko, ornamarto kaj ĉambro-aranĝado. Inter liaj laboraĵoj menciindas akvafortoj. Murdita de germanaj okupantoj sur ruinoj de la Varsovia geto.
Mieczysław Kotarbiński estis projektisto interalie de la emblemoj de Ordeno de la Blanka Aglo kaj Ordeno Polonia Restituta, de Medalo kaj Kruco de Sendependeco kaj de la marŝalbulavo de Józef Piłsudski.
Eksteraj ligiloj
