La Messier-katalogo aŭ Mesiera Katalogo estas listo de 110 astronomiaj objektoj, precipe galaksioj, stelamasoj kaj nebulozoj. Tiuj objektoj estas nomataj per la majuskla litero M, sekvata de la numero en la katalogo (1–110). Kompilis ĝin la astronomo Charles Messier.
En tiu tempo inter astronomiistoj estis fiere trovi kometojn, tamen nebulozoj malhelpis al la afero pro sia aspekta simileco. Messier faris sian katalogon kiel ilon por pli facile serĉi kometojn, por pli rapide difini ke objekto ne estas kometo kaj ne perdi por ĝi tempon.
Ĉar Messier faris siajn observojn en Francio, en la norda hemisfero, la listo de objektoj inkluzivas nur objektojn videblajn el ĉi tiu regiono, kiuj situas inter la norda ĉiela poluso kaj ĉiela latitudo ĉirkaŭ 35,7 ° sudo. Kompreneble, multaj imponaj objektoj observeblaj el la suda duonglobo, kiel la granda kaj malgranda Magelana Nubo, ne estas inkluzivitaj en la listo.
Ĉiuj objektoj en la katalogo povas esti observataj per binoklo, lorno aŭ malgranda teleskopo (en bonaj videblaj kondiĉoj), kaj tial estas popularaj observaj celoj por amatoraj astronomoj. Komence de printempo, astronomoj eĉ emas fari kunsidojn "Messier Maratono", kun la celo vidi ĉiujn objektojn en la listo ene de unu nokto.
