MASH (anglalingva mallongigo de "Mobile Army Surgical Hospital", Movebla Armea Ĥirurgiejo) estas 1970-a satirema malluma-komedia filmo de direktoro Robert Altman. Ĝi estas bazita sur romano de Richard Hooker pri tri armeaj ĥirurgiistoj dum la Korea Milito. La filmo tre populariĝis, kaj poste longdaŭra populara televida serio M*A*S*H estis produktata, kiu kontinuis la rakontojn de la roluloj.
Aperas en la filmo steluloj Donald Sutherland, Elliott Gould, Robert Duvall, Sally Kellerman, Tom Skerritt, Roger Bowen, Gary Burghoff, Rene Auberjonois, David Arkin, Fred Williamson, kaj aliaj.
Premioj
La filmo gajnis la Oran Palmon de la 1970 Festivalo de Cannes. Ĝi estis nomumata por kvin Akademiaj Premioj kaj gajnis unu por plej bona adaptita scenaro.
En 1996, MASH estis elektita de la Usona Biblioteko de Kongreso kiel "kulture grava", kaj tial konservita ĉe la Usona Nacia Film-Registro.
