La Lomonosova Kresto (ruse Хребет Ломоносова, dane Lomonosovryggen) estas malkutima subakva kresto de kontinenta terkrusto en la Arkta Oceano. Ĝi etendas 1800 km inter la Novaj Siberiaj Insuloj ĉe la centra parto de la oceano al la insulo Ellesmere de la Kanada Arkta Insularo.^[1] La larĝo de la Lomonosova Kresto varias el 60 al 200 km. Ĝi staras je 3300 al 3700 super la 4200 m profunda marfundo. La minimuma profundo de la oceano ĉe la kresto estas malpli ol 400 m.^[2] Deklivoj de la kresto estas relative krutaj, rompitaj de kanjonoj, kaj kovrita de tavoloj el silto.

La Lomonosova Kresto estis unuafoje malkovrita de soveta alt-latituda ekspedicio en 1948 kaj estas nomita laŭ Miĥail Lomonosov. Tiu nomo estis aprobita de la GEBCO Sub-komitato pri Submaraj Trajtonomoj (SCUFN).^[3]

• Døssing, A., Hansen, T. M., Olesen, A. V., Hopper, J. R., & Funck, T. (2014). "Gravity inversion predicts the nature of the Amundsen Basin and its continental borderlands near Greenland" Elsevier/GEOBASE/GEUS/DTU Space - Earth and Planetary Science Letters, 408, 132-145. 12a de Oktobro 2014. Alirita: 15a de Decembro 2014. 15 paĝoj en 10MB. DOI: 10.1016/j.epsl.2014.10.011
• GEUS 2014. "The Northern Continental Shelf of Greenland (Executive Summary) Arkivigite je 2014-12-16 per la retarkivo Wayback Machine" Geological Survey of Denmark and Greenland/Ministry of Climate, Energy and Building (Denmark), Novembro 2014. Alirita: 15a de Decembro 2014. 52 paĝoj en 6MB. UN mirror