La Monaĥo ĉe la Maro (germane Der Mönch am Meer) estas oleo-pentraĵo plenumita de la germana romantikista pejzaĝisto Caspar David Friedrich. Ĝi estis pentrita inter 1808 kaj 1810 en Dresdeno, kaj estis ekspoziciita por la unua fojo kune kun La Abatejo en la Kverkforsto. Pro peto de Friedrich, ĝi estis alkroĉita super La Abatejo en la Kverkforsto.
La du pentraĵoj hodiaŭ videblas en la Alte Nationalgalerie de Berlino.
