Kryštofovy Hamry (germane Christophhammer) estas municipo en Ĉeĥio troviĝanta en distrikto Chomutov, en regiono Ústí nad Labem. Vivas ĉi tie 160 loĝantoj (2024). La municipo troviĝas en valo de rojo Přísečnice en supermara alteco 680 metroj. La ĉirkaŭa pejzaĝo estis enloĝigita jam en la 15-a jarcento, sed unuaj mencioj pri la vilaĝo estas nur el la jaro 1720. La unua enloĝigo de la vilaĝo koneksas kun minado kaj prilaborado de fererco. En la 19-a jarcento la fererca entreprenado estis parte anstataŭigita per tekstila industrio, sed ĉiuj entreprenoj pereis post la Dua Mondmilito sekve de ellandigo de germanoj el Ĉeĥoslovakio.
Konsisto de la municipo estas teritorio de iama urbo Přísečnice, kiu estis en la jaro 1974 detruita kaj inundigita de akvoj de samnomata valbaraĵo. Kryštofovy Hamry ensumigas katastrajn teritoriojn Černý Potok, Rusová, Přísečnice kaj Dolina. La municipo konsistas el kvar partoj: Kryštofovy Hamry, Černý Potok, Mezilesí kaj Rusová.
La najbaraj municipoj de la setlejo estas Marienberg, Kovářská, Domašín, Výsluní, Měděnec, Vejprty, Jöhstadt kaj Königswalde.
Historio
La unua skribmencio pri la vilaĝo devenas el la jaro 1720. Dek jaroj post tio estas dokumentita gastejo kun vianda vendejeto kaj konstruado de domo, kiun permesis administrantaro de la senjorujo.
La ellandigo de germana loĝantaro post la Dua Mondmilito kaŭzis signifan sinkon de la nombro de loĝantoj, en kies sekvo estis fermita eletrejo en konstruaĵo de eksa dratejo, fabriko por puntoj kaj kurtenoj kaj en la jaro 1953 ankaŭ segejo. Foriro de la loĝantoj malrapidiĝis en periodo inter la jaroj 1954–1966 en konekso kun establo de garnizono de limgardistaro. Malgraŭ tio estis en la jaroj 1959–1960 detruitaj proksimume sepdek neuzataj domoj.
Revivigon de la vilaĝo kontribuis konstruado de akva laboraĵo Přísečnice, sed eĉ tiel iom post iom superis nombro de refreŝigeja objektoj super la daŭre enloĝataj. Ĝis la jaro 1999 en la vilaĝo ne estis vendejo kaj provizadon per bazaj bezonaĵoj sekurigis dufoje semajne veturebla vendejo. Post malfermo de gastejo eblis en ĝi mendi bazajn nutraĵojn.
Loĝantaro
Evoluo de nombro de loĝantoj
La datoj devenas el datumbazo de Vikidatumoj
| Jaro | Loĝantoj |
|---|
| 1869 | 7 257 |
|---|
| 1880 | 8 766 |
|---|
| 1890 | 9 177 |
|---|
| 1900 | 10 427 |
|---|
| 1910 | 9 677 |
|---|
| 1921 | 7 270 |
|---|
| Jaro | Loĝantoj |
|---|
| 1930 | 7 225 |
|---|
| 1950 | 1 492 |
|---|
| 1961 | 1 340 |
|---|
| 1970 | 828 |
|---|
| 1980 | 129 |
|---|
| 1991 | 88 |
|---|
| Jaro | Loĝantoj |
|---|
| 2001 | 89 |
|---|
| 2011 | 81 |
|---|
| 2014 | 112 |
|---|
| 2016 | 120 |
|---|
| 2017 | 120 |
|---|
| 2018 | 119 |
|---|
| Jaro | Loĝantoj |
|---|
| 2019 | 123 |
|---|
| 2020 | 150 |
|---|
| 2021 | 162 |
|---|
| 2022 | 178 |
|---|
| 2023 | 167 |
|---|
| 2024 | 160 |
|---|
Memorindaĵoj
- Ĉe vojkruciĝo de ŝoseoj II/223 kaj II/224 situas kultura memorindaĵo de Ĉeĥio - protektata statuo de Virgulino Maria el la jaro 1753. Devene ĝi situis kontraŭ tombejo en pereinta urbo Přísečnice.
- Ununura kultura memorindaĵo rekte en la vilaĝo estas domo n-ro 7 konstruita ĉirkaŭ la jaro 1800.
- Empira preĝejo de sankta Kristoforo
- Proksime de la preĝejo situas monumento de Julius Fučík, al viktimoj de faŝismo kaj falintoj dum la Dua Mondmilito
Pluaj fotoj
-
Domoj sur la dekstra bordo de Přísečnice
-
Fasado de preĝejo de sankta Kristoforo
-
Trabfaka domo en suda parto de la municipo
-
Domo n-ro 63
-
Parto de venta parko de Kryštofovy Hamry (vido de eksa minejo Měděnec)
-
Memorige protektata trabfaka domo n-ro 7
-
Statuo de Virgulino Maria ĉe vojkruciĝo de ŝoseoj II/223 kaj II/224
| Partoj de municipo Kryštofovy Hamry (4) |
|---|
|
|
