Kresta Melampiro - Melampyrum cristatum L. - estas specio el la familio Orobankacoj (Orobanchaceae). Temas pri duonparazita herbo, kiu kreskas en sekaj, kalkaj veprejoj kaj arbaraj randoj de meza kaj norda Eŭropo kaj Siberio. Ĝi estas malofta, eĉ konsiderata kiel minacata en pluraj regionoj.
Tiu tutjara herbo altas ĝis 40 cm, kun paraj folioj lancformaj kaj malhelverdaj. La floroj grupiĝas en kvarangula spiko, kiu entenas longajn, falditajn, verdajn kaj purpurajn brakteojn kun forte denta rando suprenturnita. La korolo estas blanka aŭ hele flava, pli malpli purpurmakulita. Tiu planto ne havas apartajn uzojn.
