Jang Sung-taek 장성택
Persona informo
장성택
Naskiĝo	la  2-an de februaro 1946 (nun 1946-02-02) en Kangŭon  Nord-Koreio
Morto	la 12-an de decembro 2013 (67‑jara) [1] en Pjongjango  Nord-Koreio
Mortis pro	Mortpuno vd
Religio	ateismo vd
Ŝtataneco	Nord-Koreio vd
Alma mater	Moskva Ŝtata Universitato Universitato Kim Il-sung vd
Partio	Korea Laborista Partio eksigita en 2013
Familio
Patro	Jang Yong-hwan (en) vd
Gefratoj	Jang Song-u (en) , Jang Song-gil (en) kaj Jang Kye-sun (en) vd
Edz(in)o	Kim Gjong-hi
Infanoj	Jang Kum-song (en) , Jang Kim-song (en) vd
Parencoj	Kim Ĝong-il () vd
Profesio
Okupo	politikisto vd
Honorigoj Honorigoj (2012)  Ordeno de Kim Ĝong-il  Ordeno de Kim Il-sung vd
Vicprezidanto de la Nacia Komisiono de Defendo de Nord-Koreio
Dum	7-a de junio 2010 – 8-a de decembro 2013
Prezidanto de Komisiono de Sporta Edukado de la Ŝtato kaj Sporta Gvidanto de Korea Laborista Partio
Dum	4-a de novembro 2012 – 8-a de decembro 2013
Ĉefo de Departemento de Centra Administracio de Korea Laborista Partio
Dum	Oktobro 2007 – 8-a de decembro 2013
vd	Fonto: Vikidatumoj
v • d • r

JANG Sung-taek (장성택, prononcata kiel [ĉang song tek]; naskiĝis la  2-an de februaro 1946 (nun 1946-02-02), mortis la 12-an de decembro 2013), estis vicprezidanto de la potenca "Nacia Komisiono de Defendo" de Nord-Koreio.

Edziĝinta kun generalo Kim Gjong-hi, fratino de Kim Ĝong-il, li estis konsiderata kiel ŝlosila homo en la procezo de firmigo al povo de la juna Kim Ĝong-un depost la morto de lia patro. Post lia eksigo li estis ekzekutita pro akuzo de perfido^[1].

Konsiderata kiel numero du de la reĝimo, li estis eksigita de ĉiuj postenoj pro farado de "krimoj" kontraŭ la Ŝtato kaj la ununura partio^[2], kaj pro gvidado de "kontraŭ-revolucia frakcio"^[3]. Krome la estroj de la partio en sia kunveno de la 8-a de decembro 2013 akuzis lin pri "malobeado al gvidanto", "vendado de la rimedoj de la lando je malaltaj prezoj", inkluzive de "aranĝado de privataj orgioj en luksaj restoracioj"^[4].

La eksigo de Sung-taek estis la plej grava politika okazaĵo en Nord-Koreio depost la alveno al povo de Kim Ĝong-un fine de 2011^[5].

La ŝtata agentejo KCNA kvalifikis Jang-on "ideologie malsana kaj ekstreme pigra kaj frivola" kaj akuzis lin pri "konsumado de drogoj kaj malŝparado de valutoj en kazinoj dum li ricevis medicinan kuracadon en eksterlando sub la prizorgo de la partio"^[6].

Laŭ la sud-korea sekreta servo, du el liaj kunlaborantoj estus publike ekzekutitaj^[7].

Laŭ Philo Kim, analizisto de la Instituto de Studoj por Paco kaj Reunuiĝo de la Nacia Universitato de Seulo, « Jang Sung-taek reprezentis la plej malferman flankon de la nord-korea registaro, kiu provis doni prioritaton al ekonomia disvolviĝo de la lando super la milita kaj tiu de nukleaj armiloj »^[8].

Por la ĉina registaro, temas pri "interna demando" kiu ne difektos la "amikajn kaj kunlaborajn" rilatojn inter ambaŭ landoj. Pekino "prenis noton" de la ĉeso de Jang, sed konsideras ĝin "interna afero". "Kiel najbaroj kiuj daŭrigas rilaton de amikeco, ni deziras stabilecon, pacon kaj feliĉon al Nord-Koreio". "Ĉinio estas engaĝita en amika kaj kunlabora rilato kun Pjongjango"^[9].

Lua-eraro en package.lua, linio 80: module 'Modulo:Portalo/bildoj/k' not found. En tiu ĉi artikolo estas uzita traduko de teksto el la artikolo Jang Song-thaek en la hispana Vikipedio.