Koordinatoj: 37° 36′ 57″ Nordo 12° 38′ 58″ Oriento / 37.6158 °N, 12.64955 °O / 37.6158; 12.64955 (mapo)

Integra naturrezervejo Lago Preola kaj Rondaj Gorgoj
itale: Riserva naturale integrale Lago Preola e Gorghi Tondi
regiona parko
Lando	Italio
Regiono	Sicilio
Distrikto	Provinco de Trapanio
Komunumo	Mazara del Vallo
Areo	335,62 km² (33 562 ha)
Estiĝo	1998
Ĉefulo	WWF
Vikimedia Komunejo: Riserva naturale Lago Preola e Gorghi Tondi
Retpaĝo: http://www.wwfpreola.it/

La integra naturrezervejo Lago Preola kaj Rondaj Gorgoj (itale Riserva naturale integrale Lago Preola e Gorghi Tondi) estas regiona naturrezervejo de Sicilio, fondita en 1998^[1]. Ek de 2011 ĝi agnoskiĝis kiel Ramsar malsekejo^[2].

Jam defendita ek de 1981 je la regiono Sicilio, iĝis naturrezervejo en 1998. En julio 2011 la ministerio pri Medio agnoskis ĝin malsekejo, defendita laŭ la Ramsar-Interkonsento^[2], kune kun proksimaj malsekejoj de Kabo Feto.

Ĝi etendiĝas en la komunumo de Mazara del Vallo. Ĝi havas la Lagon Preola, la Lagon Murana kaj tri rondajn lagetojn de karsta origino: Alta, Meza kaj Malalta Gorgo.

Estas diferencaj specoj de orkidacoj, anemonoj, asfodeloj, lekantetoj, taraksakoj.

Estas multaj specoj de akvobirdoj. Tie estas marĉaj cirkuoj, buteoj, turfalkoj, upupedoj, kaj en Malalta gorgo ankaŭ fulikoj, galinoloj, platbekaj anasoj, brunkapaj anasoj, krekoj, malgrandaj greboj kaj marĉanasoj. Dum migradoj oni videblas malgrandajn botaŭrojn, purpurajn ardeojn kaj grizajn ardeojn.

Inter reptilioj oni rimarkigas populacion de marĉaj sicilaj testudoj (Emys trinacris)^[3].