La Insularo Tjulenij (kazaĥeТүлен аралдарыTúlen araldary, ruseТюленьи острова) estas insularo en la nordoriento de la Kaspia Maro ĉe la Golfeto Mangiŝlak okcidente de la Duoninsulo Mangiŝlak kaj je ĉirkaŭ 13 km nordokcidente de la Duoninsulo Tupkaragan, 27 km norde de Bautino. Eble la plej esenca grupo de insuloj en la Kaspia Maro, ili estis por la unua fojo akurate mapigita fare de Fedor Ivanoviĉ Soimonov kiu estris la Kaspian Ekspedicion de 1719, kiu studis la Kaspian Maron el 1719 ĝis 1727.[1]
La insuloj estis deklaritaj Grava Birdareo kaj Nacia Protektita Zono (Ŝtata Rezervejo). Estas grandaj koncentroj de mevoj kaj birdoj de humidejoj, kiel fulikoj, anasoj, cignoj, egretoj, kaj aliaj vadbirdoj en la arkipelago dum ties nestoperiodo. La Insularo Tjulenij estas ankaŭ grava reproduktejo por la Sandviĉa ŝterno (Sterna sandvicensis).
Mapo de 1721 de Van Verden de la Kaspia Maro en kiu Kulali estas la nura insulo de la arkipelago kiu estas nomita.
La arkipelago estas nomita laŭ la Kaspia foko(Pusa caspica)
Referencoj
↑Igor S. Zonn, Aleksey N Kosarev, Michael H. Glantz & Andrey G. Kostianoy, The Caspian Sea Encyclopedia
